Uso de cookies nas páxinas web do Concello da Coruña

Nas páxinas web municipais utilizamos cookies propias e de terceiros para mellorar os nosos servizos mediante a análise dos seus hábitos de navegación. Se continúa navegando, consideramos que acepta o seu uso. Pode obter máis información, ou coñecer como cambiar a configuración, na nosa páxina de "Normas de uso".

Concello da Coruña

  • Compartir
  • Engadir ao meu móbil | 
  • Imprimir

Cando:

26 de setembro de 2020

Máis de 20.000 persoas descargaron os bonos do PRESCO para consumir no comercio e na hostalería local

O programa cultural do plan de reactivación municipal arrincou onte con espectáculos nas prazas de Lugo e das Conchiñas

A alcaldesa, Inés Rey, anunciou que un total de 20.600 persoas déronse de alta na web www.presco.gal para descargaren algún dos tres tipos de bonos do Plan de reactivación económica e social da Coruña (PRESCO) e que o número de descargas da app por parte das e dos comerciantes ascende a 2.000.

Rey destacou que as axudas habilitadas a través dos bonos, únicas en España pola súa contía de 1,6 millóns de euros, están a ter unha grande acollida na cidade e nos sectores que poden facer uso delas. Os negocios adscritos poden facturar mediante os bonos un total de 3.000 euros por cada establecemento, salvo no sector cultural, no que a cantidade ascende a 5.000 euros. Xa hai 10 pequenos comercios na cidade que chegaron á cantidade máxima.

"O concello está preto da xente. Puxemos en marcha esta iniciativa pioneira para incentivar a actividade económica no pequeno comercio, na hostalería e no sector cultural da cidade pola que cada cidadá/n recibe 105 euros para poder gastalos en hostalería, comercio ou produtos culturais", dixo a rexedora.

E lembrou que o concello destinou máis de 13 millóns de euros a reactivar a economía, "porque sabiamos que era o momento de estar preto da xente e das súas necesidades".

Neste senso, sinalou que na liña de axudas do PRESCO ás persoas autónomas presentáronse 3.827 solicitudes por valor de 12 millóns de euros. "A Coruña foi a primeira cidade de Galicia en dar unha resposta aos efectos económicos e sociais da pandemia asumindo a necesidade de responder independentemente das nosas competencias", dixo a alcaldesa.

Ademais, o concello destina 300.000 euros ao programa de actividades culturais. "A cultura foi unha vía de escape durante o confinamento e agora hai que lles devolver todo os que nos deron", sinalou Inés Rey.

De feito, onte arrincou este programa nas rúas da cidade, que inclúe 140 actuacións de grupos, artistas e compañías locais danza, humor, música, teatro, e infantís que terán lugar ata o 29 de novembro nas principais prazas da Coruña.

Tamén se presentaron un total de 71 proxectos á convocatoria de Bolsas de Creación Artística con axudas de ata 5.000 euros.

Categorías da noticia

Que che parece esta sección?

-101-101-101

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión